SRI SHARADAMBA HSS SHENI: PHYSICS MODEL QUESTIONS AND ANSWERS

Showing posts with label PHYSICS MODEL QUESTIONS AND ANSWERS. Show all posts

Thursday, February 7, 2019

RASHTRADEEPIKA - SMART STUDENT - PHYSICS - QUESTION PAPER AND ANSWER KEY SET II

എറണാകുളം ജില്ലയിലെ ഏഴിപ്പുറം ഗവണ്‍മെന്റ് ഹൈസ്കൂളിലെ അധ്യാപകന്‍ ശ്രീ വി എ ഇബ്രാഹിം സാര്‍ തയ്യാറാക്കി രാഷ്ട്രദീപിക ദിനപ്പത്രത്തിലെ SMART STUDENT പംക്തിയില്‍ പ്രസിദ്ധീകരിച്ച ഫിസിക്സിന്റെ (MM) ഒന്നാമത്തെ ചോദ്യപ്പേപ്പറും അതിന്റെ ഉത്തരസൂചികയും നേരത്തെ നമ്മുടെ ബ്ലോഗില്‍ പോസ്റ്റ് ചെയ്തിരുന്നു. ഇതേ പംക്തിയില്‍ 6/2/19 ബുധനാഴ്ച പ്രസിദ്ധീകരിച്ച രണ്ടാമത്തെ ചോദ്യപ്പേപ്പര്‍ പോസ്റ്റ് ചെയ്യുന്നു. ശ്രീ ഇബ്രാഹിം സാറിന് ഷേണി ബ്ലോഗ് ടീമിന്റെ നന്ദിയും കടപ്പാടും അറിയിക്കുന്നു.
RASHTRADEEPIKA - SMART STUDENT SSLC PHYSICS- MODEL QUESTION PAPER SET II
ANSWER KEY OF SET II
RELATED POST
RASHTRADEEPIKA - SMART STUDENT SSLC PHYSICS- MODEL QUESTION PAPER SET 1
ANSWER KEY OF SET I
MORE RESOURCES BY EBRAHIM SIR

തുടര്‍ന്ന് വായിക്കുക »Read more

Wednesday, November 15, 2017

STANDARD 8 PHYSICS - CHAPTER 11 AND 18 - REFRACTION OF LIGHT , MAGNETISM - MODEL QUESTIONS AND ANSWERS

പത്താം ക്ലാസിലെ കുട്ടികള്‍ക്ക് ധാരാളം മെറ്റീരിയലുകള്‍ ലഭിക്കുന്നുവെങ്കിലും 8,9 ക്ലാസുകളിലെ കുട്ടികള്‍ക്ക് ഇവ വേണ്ടത്ര ലഭിക്കുന്നില്ലെന്ന പല അധ്യാപകരുടെയും അഭിപ്രായത്തെ മാനിച്ച് എറണാകുളം സൗത്ത് ഏഴിപ്പുറം ഗവണ്‍മെന്റ് ഹൈസ്കൂളിലെ അധ്യാപകനും നമുക്ക് സുപരിചിതനുമായ ശ്രീ വി എ ഇബ്രാഹിം സര്‍ ഈ ക്ലാസുകാര്‍ക്കുവേണ്ടി ഒരു ചെറിയ പരിശ്രമം നടത്തുന്നത്.ഇതിന്റെ ഭാഗമായി കഴിഞ്ഞ ദിവസം അദ്ദേഹം തയ്യാറാക്കിയ ചോദ്യോത്തരങ്ങള്‍ ബ്ലോഗില്‍ പോസ്റ്റ് ചെയ്തിരുന്നു.
ഇത്തവണ എട്ടാം ക്ലാസിലെ ഫിസിക്സ് 11,18( English & Malayalam medium) അധ്യായങ്ങളുമായി ബന്ധപ്പെട്ട വിഭവങ്ങളുമായാണ് അദ്ദേഹം വീണ്ടും ഷേണി ബ്ലോഗിലെ പ്രേക്ഷകരുടെ മുന്നിലെത്തുന്നത്.രണ്ടാം പാദവാര്‍ഷീക മൂല്യനിര്‍ണ്ണയത്തില്‍ വരുന്ന ഈ ഭാഗങ്ങള്‍ കുട്ടികള്‍ക്ക് വളരെ ഉപകാരപ്രദമാകുമെന്ന കാര്യത്തില്‍ സംശയമില്ല.
ശ്രീ ഇബ്രാഹിം സാറിന് ഷേണി ബ്ലോഗ് ടീമിന്റെ നന്ദിയും കടപ്പാടും അറിയിക്കുന്നു.
1.എട്ടാം ക്ലാസ് - പ്രകാശ പ്രതിപതനം ഗോളീയ ദര്‍പ്പണങ്ങളില്‍ - മാതൃകാ ചോദ്യോത്തരങ്ങള്‍
2.STANDARD 8 - CHAPTER 11 - REFRACTION OF LIGHT - MODEL QUESTIONS AND ANSWERS - ENG. MEDIUM
3.എട്ടാം ക്ലാസ് - കാന്തികത - മാതൃകാ ചോദ്യങ്ങളും ഉത്തരങ്ങളും
4.STANDARD 8 - CHAPTER 18 -MAGENTISM- MODEL QUESTIONS AND ANSWERS - ENG. MEDIUM
MORE RESOURCES BY EBRAHIM SIR
STANDARD 9 - PHYSICS
ഫിസിക്സ് അധ്യായം 5 - പ്രകാശത്തിന്റെ അപവര്‍ത്തനം -മാതൃകാ ചോദ്യോത്തരങ്ങള്‍
PHYSICS CHAPTER 5 - REFRACTION OF LIGHT - MODEL QUESTIONS AND ANSWERS
ഫിസിക്സ് അധ്യായം 4 - പ്രവൃത്തി, ഈര്‍ജ്ജം, പവര്‍ - മാതൃകാ ചോദ്യങ്ങളും ഉത്തരങ്ങളും
PHYSICS CHAPTER 4 - WORK, ENERGY AND POWER - MODEL QUESTIONS AND ANSWERS

spark News: 4/2020 മുതൽ 8/2020 വരെ സ്പാർക്കിൽ ജനറേറ്റ് ചെയ്യുന്ന ശമ്പള ബില്ലുകൾ പ്രോസസ്സ് ചെയ്യുമ്പോഴോ പാസാക്കുമ്പോഴോ ഡി.ഡി.ഒ / വകുപ്പ് മേധാവി / ട്രഷറി ഓഫീസർമാർ വിവരങ്ങൾക്കും കർശനമായി പാലിക്കുന്നതിനും ഇനിപ്പറയുന്ന നിർദ്ദേശങ്ങൾ നൽകുന്നു.
1. മുകളിലുള്ള രണ്ടാമത്തെ പേപ്പർ എന്ന് പരാമർശിക്കുന്ന ജി.ഒയിൽ വിഭാവനം ചെയ്തിട്ടുള്ള 6 ദിവസത്തെ ശമ്പളം മാറ്റിക്കൊണ്ട് 4/2020 മുതൽ 8/2020 വരെയുള്ള മാസങ്ങളിൽ ബില്ലുകൾ പ്രോസസ് ചെയ്യുന്നതിന് ആവശ്യമായ വ്യവസ്ഥകൾ സ്പാർക്കിൽ ലഭ്യമാണ്. 2. ഈ മാസത്തെ (4/2020 മുതൽ 8/2020 വരെ) ഓരോ ജീവനക്കാരന്റെയും മൊത്ത ശമ്പളത്തെ അടിസ്ഥാനമാക്കി 6 ദിവസത്തെ ശമ്പളം മുകളിൽ സൂചിപ്പിച്ച രണ്ടാമത്തെ പേപ്പറിന്റെ G.O യുടെ ഖണ്ഡിക 1 ൽ സൂചിപ്പിച്ച കണക്കുകൂട്ടൽ പ്രകാരം മാറ്റിവയ്ക്കും. 3. 4/2020, 8/2020 വരെയുള്ള ശമ്പള ബില്ലുകൾ പ്രോസസ്സ് ചെയ്യുന്നതിനു മുമ്പ് എല്ലാ ഡിഡിഒ മാരും ഓരോ ബില്ലിലും ഉൾപ്പെടുത്തിയിട്ടുള്ള ഓരോ ജീവനക്കാരുടെയും Gross Salary പ്രകാരം 6 ദിവസത്തേ ശമ്പളം കിഴിവ് നടത്തുമ്പോൾ. നിയമപരമായ Deductions ഉൾക്കൊള്ളുമെന്ന് ഉറപ്പാക്കേണ്ടതുണ്ട്. ഇല്ലെങ്കിൽ നിയമങ്ങൾക്കനുസൃതമായി ഇത് നിയന്ത്രിക്കുന്നതിനുള്ള നടപടികൾ പാലിക്കേണ്ടതുണ്ട്. SPARK ൽ ബില്ലുകൾ ആവർത്തിച്ച് പ്രോസസ്സ് ചെയ്യുന്നത് ഒഴിവാക്കുന്നതിനും സമയം ലാഭിക്കുന്നതിനും നെഗറ്റീവ് തുക വരുന്നത് മൂലം എറർ ബില്ലുകൾ പ്രോസസ് ചെയ്യുന്നത് ഒഴിവാക്കുന്നതിനും ഇത് സഹായിക്കും. 4/2020 മുതൽ 8/2020 വരെയുള്ള മാസങ്ങളിലെ ക്ലെയിമുകൾ പ്രോസസ്സ് ചെയ്യുമ്പോഴും കൈമാറുന്നതിനിടയിലും ഈ സർക്കുലറിന്റെ ഉള്ളടക്കം എല്ലാ ട്രഷറി ഓഫീസർമാർക്കും കർശനമായി പാലിക്കണമെന്ന് ട്രഷറീസ് ഡയറക്ടർ നിർദ്ദേശിക്കുന്നു.25-04-2020

സർക്കാർ ജീവനക്കാരുടെ ശമ്പളത്തിന്റെ ഒരു ഭാഗം താൽക്കാലികമായി മരവിപ്പിക്കും- മുഖ്യമന്ത്രി
ജനപ്രതിനിധികളുടെ ശമ്പളത്തിന്റെ 30 ശതമാനം ഒരു വർഷത്തേക്ക് കുറവു ചെയ്യും കോവിഡ് 19ന്റെ പൊട്ടിപ്പുറപ്പെടൽ ദേശീയ-സംസ്ഥാന സാമ്പത്തിക രംഗങ്ങളിൽ കനത്ത ആഘാതം ഏൽപ്പിച്ച സാഹചര്യത്തിൽ സർക്കാർ ജീവനക്കാരുടെ ശമ്പളത്തിൽ നിന്നും ഒരു ഭാഗം താൽക്കാലികമായി മരവിപ്പിക്കാൻ മന്ത്രിസഭായോഗം തീരുമാനിച്ചതായി മുഖ്യമന്ത്രി പിണറായി വിജയൻ അറിയിച്ചു. പരമാവധി ഒരു മാസത്തെ ശമ്പളമാണ് മരവിപ്പിക്കുക. മാസത്തിൽ ആറു ദിവസത്തെ ശമ്പളം വീതം അഞ്ചുമാസത്തേക്ക് ഇത്തരത്തിൽ മരവിപ്പിക്കാൻ സർക്കാർ നിർബന്ധിതമായിരിക്കുകയാണ്. പൊതുമേഖലാ സ്ഥാപനങ്ങൾ, അർദ്ധസർക്കാർ സ്ഥാപനങ്ങൾ, സർവ്വകലാശാലകൾ, സർക്കാരിന്റെ ഗ്രാന്റോടെ പ്രവർത്തിക്കുന്ന സ്ഥാപനങ്ങൾ എന്നിവയ്ക്കും ഇതു ബാധകമാണ്. 20,000 രൂപയിൽ താഴെ ശമ്പളമുള്ളവരെ ഇതിൽ നിന്നും ഒഴിവാക്കും. മന്ത്രിമാർ, എംഎൽഎമാർ, ബോർഡംഗങ്ങൾ, തദ്ദേശസ്വയംഭരണ സ്ഥാപനങ്ങളിലെ ജനപ്രതിനിധികൾ എന്നിവരുടെ ശമ്പളം/ഓണറേറിയത്തിന്റെ 30 ശതമാനം ഒരു വർഷത്തേക്ക് കുറവു ചെയ്യും. ദേശീയതലത്തിൽ എട്ടും ഒമ്പതും ശതമാനം വളർച്ചയുണ്ടായിരുന്ന സമ്പദ്ഘടനയുടെ വളർച്ച അഞ്ചു ശതമാനത്തിൽ താഴെ എത്തിനിൽക്കുമ്പോഴാണ് മഹാമാരി പ്രത്യക്ഷപ്പെടുന്നത്. ഈ ദേശീയ സാഹചര്യത്തിലാണ് കേരളം പോലൊരു സംസ്ഥാനം പശ്ചാത്തല സൗകര്യവികസനവും സാമൂഹ്യമേഖലയിലെ ഇടപെടലും ശ്രദ്ധേയമാക്കി രണ്ടു പ്രകൃതിദുരന്തങ്ങൾക്കിടയിലും സാമ്പത്തിക വളർച്ച 7.5 ശതമാനത്തിൽ നിലനിർത്തിയത്. സംസ്ഥാനത്തിന്റെ പൊതു ധനകാര്യരംഗത്ത് ഞെരുക്കം അനുഭവപ്പെട്ടെങ്കിലും സാമൂഹ്യക്ഷേമ ചെലവുകളിൽ നിന്നും സർക്കാർ പിന്നോട്ടുപോയിട്ടില്ല. എന്നാൽ, കോവിഡ് 19 സംസ്ഥാനത്തെ സാമ്പത്തിക രംഗത്ത് വലിയ പ്രത്യാഘാതമാണ് ഉണ്ടാക്കിയിട്ടുള്ളത്. സംസ്ഥാനത്തിന്റെ തനത് നികുതിവരുമാനം ഏതാണ്ട് നിലച്ച അവസ്ഥയിലാണ്. ലോക്ക്ഡൗണാണ് ഒരു കാരണം. ചെലവുകളുടെ കാര്യത്തിൽ വലിയ വർധനയാണ് ഉണ്ടാകുന്നത്. ആരോഗ്യ, ഭക്ഷ്യസുരക്ഷാ മേഖലയിൽ സർക്കാരിന് പ്രതിജ്ഞാബദ്ധമായ ലക്ഷ്യങ്ങൾ നേടുന്നതിനുള്ള ചെലവുകൾ ഒഴിവാക്കാനാവില്ല. ഈ സാഹചര്യത്തിലാണ് നടപടി. അഭിമുഖീകരിക്കുന്ന വെല്ലുവിളി ചെറുതല്ല എന്നതിനാൽ ജീവനക്കാരുടെ ഉദാരമായ സഹായവും സഹകരണവും സർക്കാർ പ്രതീക്ഷിക്കുകയാണ്. കോവിഡ് 19 ബാധയെത്തുടർന്നുണ്ടായ സാമ്പത്തിക പ്രശ്‌നങ്ങളും വരാനിരിക്കുന്ന പ്രത്യാഘാതങ്ങളും കൃത്യമായി കണക്കാക്കാക്കാൻ ഒരു വിദഗ്ധ സമിതിയെ നിയോഗിക്കുമെന്നും മുഖ്യമന്ത്രി പറഞ്ഞു. ദുരിതാശ്വാസ നിധിയിലേക്ക് നാടിന്റെ നാനാഭാഗങ്ങളിൽനിന്നും എല്ലാ പ്രയാസങ്ങളും സഹിച്ചും സംഭാവന നൽകാൻ എല്ലാ വിഭാഗം ജനങ്ങളും മുന്നോട്ടുവരുന്നത് ആശ്വാസകരമാണെന്നും മുഖ്യമന്ത്രി കൂട്ടിച്ചേർത്തു.Dt.23.4.2020

സർക്കാർ സ്ഥാപനങ്ങളുടെ പ്രവർത്തനം: മാർഗ നിർദേശങ്ങൾ പുറപ്പെടുവിച്ചു
കോവിഡ് 19 നിർവ്യാപന/പ്രതിരോധ പ്രവർത്തനങ്ങളുമായി ബന്ധപ്പെട്ട് സർക്കാർ ഓഫീസുകളും/ സ്ഥാപനങ്ങളും പ്രവർത്തിക്കുന്നതു സംബന്ധിച്ച് മാർഗ നിർദേശങ്ങളായി. റെഡ്‌സോൺ ജില്ലകളിലെയും സംസ്ഥാനത്തെ വിവിധ ഹോട്ട്‌സ്‌പോട്ടുകളിലെയും ഓഫീസുകളിൽ അതത് ജില്ലയിലെ ഏറ്റവും കുറച്ചു ജീവനക്കാരെ ഉപയോഗിച്ച് ദൈനംദിന പ്രവർത്തനങ്ങൾക്കുള്ള ക്രമീകരണങ്ങൾ ഏർപ്പെടുത്തണം. കോവിഡ് 19 നിർവ്യാപന/പ്രതിരോധ പ്രവർത്തനങ്ങളുമായി ബന്ധപ്പെട്ട എല്ലാ സർക്കാർ ഓഫീസുകളും/ സ്ഥാപനങ്ങളും തുറന്നു പ്രവർത്തിക്കണം. റെഡ്‌സോൺ/ഹോട്ട്‌സ്‌പോട്ട് ഒഴികെയുള്ള പ്രദേശങ്ങളിൽ ഗ്രൂപ്പ് 'എ', 'ബി' ജീവനക്കാർ പരമാവധി 50 ശതമാനം ഉദ്യോഗസ്ഥർ സർക്കാർ ഓഫീസുകളിൽ ഹാജരാകണം. ഗ്രൂപ്പ് 'സി', 'ഡി' വിഭാഗം ജീവനക്കാരിൽ പരമാവധി 33 ശതമാനം ഹാജരാകണം. ശേഷിക്കുന്ന ജീവനക്കാർക്ക് 'വർക്ക് ഫ്രം ഹോം' നയം സ്വീകരിക്കാം. ആവശ്യമെങ്കിൽ വകുപ്പ് തലവൻമാരുടെ നർദേശാനുസരണം മാത്രം ഇവർ ഓഫീസിൽ ഹാജരായാൽ മതിയാകും. അടിയന്തിര ജോലികളോ കോവിഡ് 19 പ്രതിരോധവുമായി ബന്ധപ്പെട്ട പ്രവർത്തനങ്ങളോ ഉണ്ടെങ്കിൽ മാത്രം ഗ്രൂപ്പ് 'ഡി' ജീവനക്കാരെ ഓഫീസ് ഡ്യൂട്ടിക്ക് നിയോഗിച്ചാൽ മതിയാകും. റെഡ്‌സോൺ ജില്ലകൾ/ ഹോട്ട്‌സ്‌പോട്ട് പ്രദേശങ്ങൾ എന്നിവയിൽ ഉൾപ്പെടുന്നവ ആണെങ്കിൽകൂടി സെക്രട്ടേറിയറ്റ്, കളക്ടറേറ്റുകൾ, വകുപ്പ് മേധാവികളുടെ ഓഫീസുകൾ എന്നിവ മുകളിൽ വിശദീകരിച്ചിരിക്കുന്ന പൊതു മാനദണ്ഡങ്ങൾ അനുസരിച്ച് പ്രവർത്തിക്കണം. പൊതുഗതാഗത സൗകര്യം ലഭ്യമല്ലാത്തതിനാൽ അതത് ജില്ലകളിലുള്ള ജീവനക്കാരെ ഉൾപ്പെടുത്തി ഡ്യൂട്ടി ചാർട്ട് തയാറാക്കാൻ ബന്ധപ്പെട്ട ഓഫീസർമാർ ശ്രദ്ധിക്കണം. അതത് ജില്ലകളിലുള്ള ജീവനക്കാരെ ലഭ്യമല്ലെങ്കിൽ മാത്രം തൊട്ടടുത്ത ജില്ലയിലെ ജീവനക്കാരെ ഡ്യൂട്ടിക്കായി നിയോഗിക്കാം. ഓഫീസ് തിരിച്ചറിയൽ കാർഡും ഡ്യൂട്ടി ചാർട്ടിന്റെ ഉത്തരവും ഹാജരാക്കുന്ന പക്ഷം ഇപ്രകാരം ഡ്യൂട്ടിക്ക് നിയോഗിക്കപ്പെട്ട ജീവനക്കാർക്ക് അന്തർജില്ലാ യാത്രാനുമതി നൽകുന്നതിന് പോലീസ് വകുപ്പ് ശ്രദ്ധിക്കണം. ഭിന്നശേഷിക്കാർ, ഗുരുതര രോഗബാധിതർ, ഗർഭിണികൾ, അഞ്ചു വയസ്സിൽ താഴെ പ്രായമുള്ള കുട്ടികളുള്ള രക്ഷകർത്താക്കളായ ഉദ്യോഗസ്ഥർ എന്നിവരെ ഡ്യൂട്ടിയിൽ നിന്നും പരമാവധി ഒഴിവാക്കണം. ഇ-ഫയൽ പ്രോസസ് ചെയ്യുന്ന എല്ലാ ജീവനക്കാരും ഐ.ടി വകുപ്പ്/ബന്ധപ്പെട്ട അധികാരികൾ വഴി വി.പി.എൻ കണക്ടിവിറ്റി നേടണം. ഇ-ഓഫീസ് വഴിയുള്ള ഫയൽ നീക്കം വകുപ്പ് തലവൻമാർ പരിശോധിക്കണം. ഇതിൽ വീഴ്ചവരുത്തുന്ന ഉദ്യോഗസ്ഥർക്കെതിരെ നടപടി സ്വീകരിക്കണം. ഓഫീസ് തലവൻമാർ ഇതു സംബന്ധിച്ച റിപ്പോർട്ട് ബന്ധപ്പെട്ട ഡി.ഡി.ഒ മാർക്ക് ഏപ്രിൽ 25 നകം നൽകണം. മേൽപ്പറഞ്ഞ ക്രമീകരണങ്ങൾ അവശ്യ സേവനം നടത്തുന്ന വകുപ്പുകൾക്ക് ബാധകമല്ല. ഈ ഓഫീസുകളിലെ ജീവനക്കാർ എല്ലാ ദിവസവും ഓഫീസിൽ ഹാജരാകണം. കോവിഡ് 19 പ്രതിരോധവുമായി ബന്ധപ്പെട്ട ബ്രേക്ക് ദ ചെയിൻ പരിപാടിയുടെ നടപടിക്രമങ്ങൾ ജോലിയിടങ്ങളിലും പൊതുസ്ഥലങ്ങളിലും കർശനമായി പാലിക്കപ്പെടുന്നുവെന്ന് ഓഫീസ് മേധാവികൾ ഉറപ്പുവരുത്തണമെന്നും സർക്കുലറിൽ പറയുന്നു.Dt.22.4.2020

പൊതു വിദ്യാഭ്യാസ വകുപ്പിന്റെ 'അക്ഷരവൃക്ഷം' പദ്ധതിയുടെ ഭാഗമായി ലഭിച്ച രചനകളുടെ ആദ്യ വോള്യം മുഖ്യമന്ത്രി പിണറായി വിജയൻ പ്രകാശനം ചെയ്തു. പൊതുമരാമത്ത് മന്ത്രി ജി. സുധാകരൻ ആദ്യപ്രതി ഏറ്റുവാങ്ങി. കോവിഡ് 19 എന്ന മഹാമാരിയെ പ്രതിരോധിക്കുന്നതിനു വേണ്ടി രാജ്യത്താകെ നടപ്പിലാക്കിയിട്ടുള്ള ലോക്ക്‌ഡൌണിന്റെ പശ്ചാത്തലത്തിൽ വീടുകൾക്കുള്ളിൽ അവധിക്കാലം ചെലവഴിക്കുന്ന കുട്ടികളുടെ സർഗ്ഗശേഷി പ്രകാശിപ്പിക്കുന്നതിനു വേണ്ടിയാണ് പൊതുവിദ്യാഭ്യാസ വകുപ്പ് മന്ത്രിയുടെ നിർദ്ദേശാനുസരണം 'അക്ഷരവൃക്ഷം' എന്ന പദ്ധതി നടപ്പിലാക്കിയത്. പരിസ്ഥിതി, ശുചിത്വം, രോഗപ്രതിരോധം എന്നീ വിഷയങ്ങളെ ആസ്പദമാക്കി കുട്ടികൾ രചിച്ച കഥ, കവിത, ലേഖനം എന്നിവ ശേഖരിച്ച് പ്രസിദ്ധീകരിക്കുക എന്നതാണ് പദ്ധതി. ഈ അവസരം ആയിരക്കണക്കിന് വിദ്യാർത്ഥികൾ വിനിയോഗിച്ചു. കുട്ടികളുടെ പ്രതികരണം വിസ്മയകരമായിരുന്നു. ഇതുവരെ 40,000 ൽ പരം രചനകൾ ഈ മൂന്നു വിഭാഗങ്ങളിലായി ലഭിച്ചിട്ടുണ്ട്. ഇവയിൽ നിന്ന് ആദ്യത്തെ 10,000 രചനകളിൽ കോവിഡ് സംബന്ധിയായ സൃഷ്ടികൾ മാത്രം ഉൾപ്പെടുത്തിയാണ് ആദ്യവോള്യം തയ്യാറാക്കിയത്. 148 കവിതകളും 76 കഥകളും 94 ലേഖനങ്ങളും ഈ വോള്യത്തിലെ മൂന്നു പുസ്തകങ്ങളിൽ ഉൾപ്പെടുത്തിയിട്ടുണ്ട്. കൈറ്റ് തയ്യാറാക്കിട്ടുള്ള സ്‌കൂൾ വിക്കിയിലാണ് രചനകൾ സന്നിവേശിപ്പിച്ചിട്ടുള്ളത്. എസ്.സി.ഇ.ആർ.ടി.യാണ് പുസ്തകം പ്രസിദ്ധീകരിക്കുന്നത്. പുസ്തകങ്ങളുടെ മനോഹരമായ പുറംചട്ട തയാറാക്കിയത് വയനാട് ജി.എച്ച്.എസ്.എസ്. തരിയോടിലെ അധ്യാപകനായ എൻ.റ്റി. രാജീവാണ്. അഞ്ചു ദിവസംകൊണ്ടാണ് പുസ്തക രൂപത്തിലേക്ക് ഈ കൃതികൾ മാറ്റിയത്. മെയ് അഞ്ചുവരെ ലഭിക്കുന്ന രചനകൾ കൂടി ഇത്തരത്തിൽ പരിശോധിച്ച് എസ്.സി.ഇ.ആർ.ടി പുസ്തകങ്ങളായി പ്രസിദ്ധീകരിക്കും. പ്രകാശന ചടങ്ങിൽ പൊതുവിദ്യാഭ്യാസ മന്ത്രി പ്രൊഫ: സി. രവീന്ദ്രനാഥും സംബന്ധിച്ചു.Dt.22.4.2020

കോവിഡ് 19 : സത്യവാങ്മൂലം, വെഹിക്കിള്‍ പാസ് എന്നിവ ഇനി മുതല്‍ ഓണ്‍ലൈനിലും
കോവിഡ് 19 നെ തുടര്‍ന്നുള്ള നിയന്ത്രണങ്ങളുടെ പശ്ചാത്തലത്തില്‍ പൊതുജനങ്ങള്‍ക്ക് അത്യാവശ്യ സാഹചര്യത്തില്‍ യാത്ര ചെയ്യുന്നതിനാവശ്യമായ സത്യവാങ്മൂലം, വെഹിക്കിള്‍ പാസ് എന്നിവ ലഭിക്കുന്നതിന് ഓണ്‍ലൈന്‍ സംവിധാനം സജ്ജമാക്കിയാതായി സംസ്ഥാന പോലീസ് മേധാവി ലോക്നാഥ് ബെഹ്റ അറിയിച്ചു. https://pass.bsafe.kerala.gov.in എന്ന ലിങ്ക് വഴി പൊതുജനങ്ങള്‍ക്ക് ഈ സൗകര്യം പ്രയോജനപ്പെടുത്താം. സൈബര്‍ ഡോം നോഡല്‍ ഓഫീസര്‍ കൂടിയായ എഡിജിപി മനോജ് എബ്രഹാമിന്‍റെ നേതൃത്വത്തിൽ സൈബർ ഡോമിലെ വിദഗ്ധ സംഘമാണ് ഓണ്‍ലൈന്‍ സംവിധാനം വികസിപ്പിച്ചത്. വളരെ അത്യാവശ്യ സന്ദര്‍ഭങ്ങളില്‍ യാത്ര ചെയ്യുന്നതിനാവശ്യമായ സത്യവാങ്മൂലം ഓണ്‍ലൈനില്‍ ലഭിക്കുവാന്‍ യാത്രക്കാര്‍ പേര്, മേല്‍വിലാസം, വാഹനത്തിന്‍റെ നമ്പര്‍, സഹയാത്രികന്‍റെ പേര്, യാത്ര പോകേണ്ടതും തിരിച്ചു വരേണ്ടതുമായ സ്ഥലം, തീയതി, സമയം, മൊബൈല്‍ നമ്പര്‍ എന്നിവ രേഖപ്പെടുത്തിയതിനു ശേഷം യാത്രക്കാരന്‍റെ ഒപ്പ് അപ്ലോഡ് ചെയ്യണം. ഈ വിവരങ്ങള്‍ പോലീസ് കണ്‍ട്രോള്‍ സെന്ററിൽ പരിശോധിച്ചശേഷം സത്യവാങ്മൂലം അംഗീകരിച്ച ലിങ്ക് യാത്രക്കാരന്‍റെ മൊബൈല്‍ നമ്പറിലേയ്ക്കു മെസ്സേജ് ആയി നല്‍കും. യാത്രവേളയില്‍ പോലീസ് പരിശോധനയ്ക്കായി ഈ ലിങ്കില്‍ ലഭിക്കുന്ന സത്യവാങ്മൂലം കാണിച്ചാല്‍ മതിയാകും. അപേക്ഷ നിരസിച്ചിട്ടുണ്ടെങ്കില്‍ ആ വിവരം മൊബൈല്‍ നമ്പറിലേയ്ക്കു മെസ്സേജ് ആയി ലഭിക്കും. ഒരു ആഴ്ചയില്‍ ഓണ്‍ലൈന്‍ മുഖാന്തിരം ഉള്ള സത്യവാങ്മൂലം പ്രകാരം പരമാവധി മൂന്നു തവണ മാത്രമേ യാത്ര അനുവദിക്കുകയുള്ളു. വെഹിക്കിള്‍ പാസ് ഓണ്‍ലൈനായി നല്‍കുന്നത് മരണം, ഒഴിവാക്കാനാകാത്ത ആശുപത്രി സന്ദര്‍ശനം മുതലായ തികച്ചും ഒഴിവാക്കാനാകാത്ത സാഹചര്യങ്ങളില്‍ മാത്രം ഉപയോഗിക്കാനാണ്. പേര്, മേല്‍ വിലാസം, മൊബൈല്‍ നമ്പര്‍ എന്നിവ ചേര്‍ത്ത ശഷം ഫോട്ടോ, ഒപ്പ്, ഒഫീഷ്യല്‍ ഐഡി കാര്‍ഡ് എന്നിവയുടെ ഇമേജ് അപ്‌ലോഡ് ചെയ്യണം. പരിശോധനയ്ക്കു ശേഷം പാസ് യാത്രക്കാരന് മെസ്സേജ് ആയി ലഭിക്കും. ഇതും ആഴ്ചയിൽ പരമാവധി മൂന്നുതവണയേ ലഭിക്കൂ. നൽകുന്ന വിവരങ്ങൾ തെറ്റാണെന്ന് തെളിഞ്ഞാൽ അപേക്ഷകർക്കെതിരെ നിയമനടപടി സ്വീകരിക്കും. വളരെ അത്യാവശ്യ സാഹചര്യങ്ങളില്‍ ഉപയോഗിക്കുവാന്‍ ലഭ്യമാക്കിയിട്ടുള്ള ഈ സൗകര്യങ്ങള്‍ ദുരുപയോഗം ചെയ്യുന്നവര്‍ക്കെതിരെയും നിയമ നടപടികള്‍ സ്വീകരിക്കുന്നതായിരിക്കും.dt 30-03-2020

Pages

Thursday, February 7, 2019

RASHTRADEEPIKA - SMART STUDENT - PHYSICS - QUESTION PAPER AND ANSWER KEY SET II

Wednesday, November 15, 2017

STANDARD 8 PHYSICS - CHAPTER 11 AND 18 - REFRACTION OF LIGHT , MAGNETISM - MODEL QUESTIONS AND ANSWERS